分析下形勢先
巴西對法國
係歷史上黎睇, 巴西係5 屆盟主, 當然受大眾睇高一線,
但睇返近20年係世盃既對賽, 巴西對法國係佔唔到上風,
86年巴西8 強被法國淘汱, 98年決賽法國大勝巴西,
可見法國係森巴足球既剋星.
其實巴西呢幾屆之所以貢好成績, 原全係因為對手太弱所致,
就睇返02年, 巴西就無遇過強隊, 對既係中國, 土耳其, 哥斯達尼加, 最強果隊只係英國,
順順利利入決賽對住同樣係碌下碌下入決賽既德國.
事賽上巴西係世界盃遇到強隊, 都唔係贏硬的, 例如86年遇法國, 90年遇阿根庭,
對住一線球隊就會出事.
所以如果呢場全世界都睇好巴西, 我就認為法國會再一次剋死成班球星既巴西了.
意大利對烏克蘭
牌面意大利贏哂, 烏克蘭只有一個舒夫真高揹飛,
但係意大利後防對佢不知幾貢熟路, 呢把軍刀應該無用無之地,
意大利生生性性應該又贏1-0入四強了.
相信會係最容易入四強既一隊.
英格蘭對葡萄牙
英國對住又多傷兵又停賽又比荷蘭打殘哂既萄國, 行情稍為高些小.
其實英國對住主攻既球隊發揮係會好d, 所以對住萄國,
好有機會踼出今屆以來最好既一仗.
我會投英國信心一票, 希望佢可以自90年以後再一次入四強.
德國對阿根庭
阿根庭同德國係世界盃既冤家, 多次相遇, 互有勝負.
近況同人腳, 今屆既阿根庭比德國完整,
但德國有全場之利, 真係可以打高一皮波.
之前四場賽事, 德國未受考驗, 實力尚待證明;
阿根庭則先後遇上實力份子科突迪亞, 荷蘭及墨西哥等強隊,
實力及戰術基本上已完全爆光, 德國將會有較佳準備佔有先機.
但從另一角諗分析, 阿根庭亦習慣了在有壓力下比賽,
相對起初次面對一線球隊的德國, 球員適應力應該稍高.
在各方面都似乎平分春色的情況下, 臨場發揮, 教線的部署及變陣將會成為勝負的分野.
部署上雙方都熟路, 理應互無著數,
而臨場發揮及應變取決於兩點:
1. 後備兵源 - 超新星美斯, 迪維斯及艾馬等能獨當一面的球員, 在阿根庭陣中都要做後備, 干沙里斯, 金比阿素等在球會的必然正選, 在國家隊亦爭不到一個當然正選的位子, 可見阿根庭的後備兵源質素高得嚇人.
2. 教練的經驗 - 阿根庭教練柏卡文曾帶領阿根庭青年隊兩奪世青盃, 成功培育了今天陣中的主力球員, 亦帶領國家隊贏得04奧運足球的金牌, 經驗絕對比初執教鞭的奇連士文優勝.
若今仗的球證能公平正直, 高水準地執法, 相信勝利的一方會是阿根庭.
留言列表
